Ֆրանսիայում ձերբակալել են Telegram-ի ղեկավար Պավել Դուրովին. Նրան սպառնում է մինչև 20 տարվա ազատազրկում
Author: Արմինե Լեւոնյան
Date: 24.08.2024
Այսօր Պավել Դուրովին բերման են ենթարկել Լե Բուրժե օդանավակայանում՝ նա իջնում էր իր անձնական ինքնաթիռից։ Դուրովը Բաքվից մեկնել է Փարիզ։
Ձերբակալության պատճառը եղել է հետախուզման հրամանը, որը նախկինում տրվել էր դատական ոստիկանության կողմից։ Օրդերը տրվել է Ֆրանսիայի դատական ոստիկանության ազգային գրասենյակի նախաքննության հիման վրա։ Դուրովն այժմ կալանքի տակ է՝ սպասվում է դատական նիստը, որը կկայանա մի քանի ժամից։
Telegram-ի ղեկավարին, ամենայն հավանականությամբ, մեղադրանք կառաջադրվի մի քանի կետերով։ Ենթադրվում է, որ Պավել Դուրովին մեղադրում են տեղական իշխանությունների հետ համագործակցելու չցանկանալու մեջ։ Այդ պատճառով Telegram-ի ղեկավարը կարող է մեղսակից համարվել բազմաթիվ հանցագործությունների, այդ թվում՝ ահաբեկչության, թմրամիջոցների ապօրինի շրջանառության, խարդախության, փողերի լվացման, մանկապիղծական բովանդակության տարածման, գողացված ապրանքների վաճառքի և այլն:
Նորությունների ֆոնին TON կրիպտոարժույթի փոխարժեքը սկսեց կտրուկ անկում ապրել։