Reuters. Qualcomm-ը կարող է գնել Intel-ի բիզնեսի մի մասը
Author: Արմինե Լեւոնյան
Date: 06.09.2024
Qualcomm-ը հետաքրքրված է Intel-ի բիզնեսով, գրում է Reuters-ը՝ վկայակոչելով ոլորտի իր աղբյուրները։
Խոսքը Intel-ի բիզնեսի «տարբեր մասերի» մասին է, այդ թվում՝ հաճախորդի արտադրանքի ուղղության։ Qualcomm-ը հրաժարվեց մեկնաբանել այս տեղեկությունը, իսկ Intel-ը, պատասխանելով Reuters-ի հարցին, ասաց, որ «խորապես նվիրված է իր բիզնեսին»:
Թե ինչու են սկզբունքորեն հնարավոր դարձել նման խոսակցությունները, միանգամայն պարզ է։ Intel-ը վերջին շրջանում ֆինանսական դժվարություններ է ունեցել՝ կրճատելով աշխատակիցներին և չեղարկել շահաբաժինների վճարումները։
Միևնույն ժամանակ ընկերությունը չի մոռանում նոր ապրանքատեսակների մասին հայտարարել։ Սեպտեմբերին Intel-ը ներկայացրեց Core Ultra 200V (Lunar Lake) սերիայի պրոցեսորները, իսկ Desktop PC-ների համար Core Ultra 200K-ի պրեմիերան սպասվում է հոկտեմբերին:
Qualcomm-ն իր հերթին ավելի ու ավելի է հետաքրքրվում համակարգչային պրոցեսորների շուկայով։ Այս տարի ընկերության արտադրանքի տեսականին ներառում էր Snapdragon X չիպեր Windows նոութբուքերի համար: Intel-ի բիզնեսի մի մասը գնելը կարող է օգնել ընկերությանն ավելի արագ շարժվել նոր շուկայում: