Google DeepMind-ն ներկայացրել է GenCast արհեստական բանականության մոդելը․ հեղափոխություն եղանակի կանխատեսման ոլորտում

Google DeepMind-ը ստեղծել է GenCast արհեստական բանականություն, որը եղանակը կանխատեսում է ավելի արագ և ճշգրիտ, քան ավանդական մեթոդները։

GenCast-ը 97.2%-ով գերազանցել է ENS առաջատար եղանակային համակարգին՝ հատկապես աչքի ընկնելով արևադարձային ցիկլոնների կանխատեսման ճշգրտությամբ՝ նրանց շարժուղին 12 ժամ ավելի շուտ կանխորոշելով։

Համակարգը մարզվել է 1979-2018 թթ. եղանակային տվյալների վրա՝ օգտագործելով մեքենայական ուսուցում բարդ եղանակային օրինաչափությունները ճանաչելու համար։ Այս մոտեցումը հնարավորություն է տալիս GenCast-ին կազմել 15-օրյա կանխատեսում ընդամենը 8 րոպեում Google Cloud TPU v5-ի վրա, մինչդեռ ավանդական մոդելները նույն արդյունքի համար պահանջում են ժամեր և հզոր սուպերկոմպյուտերներ։

Այնուամենայնիվ, մոդելը փորձարկվել է ENS 2019 թվականի տարբերակի հետ համեմատությամբ, իսկ 12-ժամյա կանխատեսման ինտերվալները կարող են բավարար չլինել այնպիսի գործնական խնդիրների համար, ինչպիսիք են քամու էներգիայի գնահատումը։

Google DeepMind-ը բացահայտել է GenCast-ի կոդը, որպեսզի մասնագետները կարողանան փորձարկել և կատարելագործել տեխնոլոգիան՝ նոր հորիզոններ բացելով օդերևութաբանության ոլորտում։